تیئیس تاریخ کو چین کے صدر شی جن پھنگ نے 78ویں یومِ پاکستان کے موقع پر پاکستان کے صدر ممنون حسین کے نام ایک تہنیتی پیغام بھیجا۔ پیغام میں چینی حکومت اور عوام کی طرف سے پاکستان کی حکومت اور عوام کے لیے نیک خواہشات کا اظہار کیا گیا ہے۔
صدر شی جن پھنگ نے پیغام میں کہا کہ صدر ممنون حسین اور پاکستان کی حکومت کی قیادت میں پاکستان کی معیشت مستحکم
طور پر ترقی کررہی ہے، عوام کے معیارِ زندگی کو بہتر بنایا جارہا ہے۔ اس حوالے سے ہمیں بھی بڑی مسرت اور خوشی کا احسا س ہے۔
اس وقت چین اور پاکستان کے درمیان باہمی تعلقات خوشگوار انداز میں فروغ پار ہے ہیں۔ دونوں ممالک دی بیلٹ اینڈ روڈ انیشیٹو کے تحت موثر تعاون کررہے ہیں۔ اس سے نہ صرف دونوں ملکوں کے عوام بلکہ خطے میں امن و استحکام کے لئے بھی مدد ملے گی۔ چین پاکستان کے ساتھ تعلقات کو بڑی اہمیت دیتا ہے اور چین- پاکستان ہمہ گیر تزویراتی تعاون کے ساتھی کے تعلقات کو مزید آگے بڑھانے کے لئے مشترکہ کوشش کرنا چاہتا ہے۔
اسی روز چین کے وزیراعظم لی کھ چھیانگ اور وزیر خارجہ وانگ ای نے بھی پاکستان کے وزیراعظم شاہد خاقان عباسی اور وزیر خارجہ خواجہ آصف کے نام الگ الگ تہنیتی پیغامات بھیجے۔
