ٹیکس نہ دینے پر ہزاروں اوورسیز پاکستانیوں کے موبائل فون بند

0

لاہور:  پی ٹی اے نے کورونا کے باعث پاکستان میں رہنے پر مجبور ہزاروں اوورسیز پاکستانیوں کے موبائل فون ٹیکس ادا نہ کرنے پر بند کردیے۔

گزشتہ سال نومبر، دسمبر اور جنوری میں پاکستان آنے والوں میں سے تقریباً 50ہزار افراد امریکا، برطانیہ، کینیڈا، یورپی ممالک اورجنوبی کوریا سے پروازیں معطل ہونے کے باعث یہاں پھنسے ہوئے ہیں اور مختلف ایئر لائنز کی جانب سے انہیں بار بار نئی تاریخ دی جا رہی ہے۔ کورونا کی تیسری لہر نے ان کی واپسی کو ناممکن بنا دیا ہے۔

بیرون ملک سے آئے پاکستانی زیادہ تر مہنگا موبائل فون استعمال کرتے ہیں جن پر کم ازکم ٹیکس 30 سے 40 ہزار فی موبائل ہے۔ انتظار کی سولی پر لٹکے ان مسافروں کے موبائل فون بند کرکے انھیں ذہنی اذیت دینے کا نیا سامان مہیا کردیاگیا ہے۔ پاکستانیوں نے مطالبہ کیا ہے کہ پالیسی کو تبدیل کیا جائے۔

SHARE

LEAVE A REPLY