چین کی اعلی قیادت کا ملک کی اقتصادی سماجی ترقی سےمتعلق مفصل تبادلہ خیال

0

چینی کمیونسٹ پارٹی کی مرکزی کمیٹی کے سیاسی بیورو نے 26 تاریخ کو قومی اقتصادی اور سماجی ترقی کے 14ویں پانچ سالہ منصوبے اور 2035 کے منصوبے سے متعلق مسودات اور حکومتی ورک رپورٹ پر تبادلہ خیال کے لئے ایک اجلاس کا انعقاد کیا۔

چین کی ریاستی کونسل ان منصوبہ جات کو تیرہویں قومی عوامی کانگریس کے چوتھے اجلاس میں جائزے کے لئے پیش کرئے گی۔ چینی کمیونسٹ پارٹی کی مرکزی کمیٹی کے جنرل سیکرٹری شی چن پھنگ نے اجلاس کی صدارت کی۔

اجلاس کے دوران کہا گیا کہ پانچ سالہ مسلسل جدوجہد کے بعد، “13 ویں پانچ سالہ منصوبے” کے بنیادی مقاصد اور اہداف کامیابی کے ساتھ مکمل ہوچکے ہیں، ایک خوشحال معاشرے کی جامع تعمیر میں عظیم تاریخی کامیابیاں حاصل کی گئی ہیں، غربت کے خلاف جنگ میں فیصلہ کن فتح حاصل ہو چکی ہے، مجموعی معیشت مستحکم رہی ہے، معاشی ڈھانچے کو مستقل بہتر بنایا گیا ہے اور ماحولیاتی کے شعبے میں بہتری ہوئی ہے۔

اجلاس کے دوران کہا گیا کہ “14واں پانچ سالہ منصوبہ” ایک جامع خوشحال معاشرے کی تعمیر اور پہلے صد سالہ ہدف کی تکمیل کے بعد ایک جدید سوشلسٹ ملک کی تعمیر کے نئے سفر اور دوسرے صد سالہ ہدف کی جانب پیش قدمی میں نمایاں اہمیت کا حامل ہے۔ پارٹی کی قیادت میں چینی خصوصیات کے حامل سوشلسٹ نظام کی برتری کی بھرپور حمایت کی جائے، “14ویں پانچ سالہ منصوبہ” کی ترتیب اور عمل درآمد سائنسی پیمانے پر کی جائے۔

اجلاس کے دوران اس بات پر زور دیا گیا کہ رواں برس اقتصادی سماجی ترقیاتی اہداف اور انسداد وباء کے امور میں ہم آہنگی کے فروغ سے معاشی پالیسیوں کے تسلسل اور استحکام کو برقرار رکھا جائے۔

ایک محتاط، لچکدار، معقول اور مناسب مالیاتی پالیسی اپنائی جائے، روزگار کی ترجیحی پالیسی کو مستحکم بنایا جائے اور کلیدی شعبوں میں اصلاحات کو مزید گہرا کیا جائے۔ اجلاس کے دوران ماحولیاتی شعبے کی تعمیر میں ترقی اور عوامی معیار زندگی میں بہتری پر بھی زور دیا گیا۔

SHARE

LEAVE A REPLY