چین-امریکہ تعلقات کی بہتری کے لیے دونوں فریقین کے اخلاص اور خیر سگالی کی ضرورت ہے، امریکہ میں چینی سفیر

امریکہ میں چینی سفیر چھوئی تھیان کھائی نے سی این این کو انٹرویو دیتے ہوئے کہا کہ چین اور امریکہ کےد رمیان باہمی تعلقات کو مستحکم اور تعمیری راستے پر آگے بڑھانےکے لیے امریکہ کو اخلاص اور خیر سگالی کا مظاہرہ کرنے کی ضرورت ہے۔
چھوئی تھیان کھائی نے کہا کہ سخت بیان بازی یا سخت طریقہ مؤثر خارجہ پالیسی نہیں ہیں۔ گزشتہ  کچھ برسوں کے دوران چین-امریکہ تعلقات میں ہونے والے واقعات اورامریکہ کے متعدد اقدامات سے چینی عوام کو سخت ناگواراحساس ہوا ہے۔  تاہم ، اگردونوں فریق صحیح انتخاب کرتے ہیں اور باہمی تعلقات کو مستحکم اور تعمیری راستے پرآگے بڑھانے کی کوشش کرتے ہیں،تو دونوں ملکوں کی حکومتوں اوردونوں ملکوں کے عوام کے درمیان باہمی مفادات کی  بہت ساری جگہیں  اور امکانات موجود ہیں۔
چھوئی تھیان کھائی نے کہا کہ چین ہمیشہ  آزاد اور پرامن خارجہ پالیسی پر عمل پیرارہاہے اور بنی نوع انسان کےہم نصیب معاشرے کی تعمیر کے لیے دوسرے ممالک کےساتھ مشترکہ کوششیں کرنا چاہتا ہے۔ چین اور اس کے بیشتر زمینی ہمسایہ ممالک نےمشاورت کے ذریعے سرحدی معاہدوں پر دستخط کیے ہیں ، اور سرحدی امور پر امن طریقے سے حل ہوگئے ہیں۔ بیرونی مداخلت کے بغیر ہمسایہ ممالک کے درمیان اپنے مسائل کاحل کے لیے زیادہ آسان طریقہ کار ہے۔