امریکہ کی ‘بحر ہند اور بحر الکاہل کی حکمت عملی’ کا نشانہ چین ہے ، چین

تیرہ جنوری کو چین کی وزارت خارجہ کی پریس کانفرنس میں ایک صحافی نے سوال کیا کہ امریکی حکومت نےحال ہی میں اپنی ” بحر ہند اور بحرالکاہل کی حکمت عملی ” کو مقررہ وقت سے ۳۰ سال قبل ہی ظاہر کر دیا ہے جس میں تائیوان اور بھارت کے ذریعے چین کی ترقی کو روکنا اور اس خطے میں امریکہ کی رہنما کی حیثیت برقرار رکھنا وغیرہ شامل ہیں ۔ چین کا اس حوالے سےکیا تبصرہ ہے ؟ اس سوال کا جواب دیتے ہوئے وزارتِ خارجہ کے ترجمان چاولی جیان نے کہا کہ اس حکمتِ عملی کے ذریعے امریکہ کا مقصد چین پر دباو ڈالنا اورعلاقائی امن و استحکام کو نقصان پہنچانا ہے ۔ امریکہ نے اپنی اس حکمت عملی میں تین غلطیاں کی ہیں ۔ پہلا،سرد جنگ کی ذہنیت نمایاں ہے اور یہ فوجی محاذ آرائی سے بھری ہوئی ہے۔ دوسرا ، یہ حکمتِ عملی ، تائیوان کے معاملے پر امریکی حکومت کے چین کے ساتھ کیے جانے والے وعدوں کی خلاف ورزی ہے ۔ تیسرا ،واضح ہے کہ اس حکمتِ عملی کے تحت چین کی ہمسایہ ممالک کے ساتھ پالیسیوں کو بدنیتی کے ساتھ بگاڑ اجاتا ہےاور “چین کے خطرے ” کو بڑھا چڑھا کر پیش کیا جاتا ہے ۔