اعدادو شمار کے مطابق چین میں تیرہویں پانچ سالہ منصوبے یعنی دو ہزار سولہ سے دو ہزار بیس تک، چین کے دیہی علاقوں میں صارفین کے سامان کی خوردہ فروخت میں 44فیصدکا اضافہ ہوا ہے۔دو ہزار انیس میں چین کے صارفین کے سامان کی کل خوردہ فروخت اکتالیس اعشاریہ دو کھرب یوان رہی تھی۔معاشی نمو میں صارفین کے حتمی اخراجات کی شراکت کی شرح 57٫8 فیصد رہی ،جو معاشی نمو کے فروغ کے لئے ایک اہم قوت ہے۔اور اس کے ساتھ ساتھ چین میں کھپت کے ڈھانچے میں مجموعی طور پر واضح بہتری آئی ہے۔
تیرہویں پانچ سالہ منصوبے کے ابتدا ہی سے چین نے سپلائی کی طرف سے ساختی اصلاحات کا منصوبہ پیش کیا ۔ گزشتہ کئی سالوں کے دوران صنعتی ڈھانچے کی بہتر ی، نئی ابھرتی ہوئی صنعتوں کے فروغ، بگ ڈیٹا، مصنوعی ذہانت، صنعتی ربوٹس اور کلاؤڈ کمپیوٹنگ سمیت دیگر جدید ٹیکنالوجیز کے استعمال سے چین کی مینوفیکچرنگ انڈسٹری اعلی معیاری ترقی کر رہی ہے۔
