ستائیس ستمبر کو ، واشنگٹن ڈی سی کی وفاقی عدالت نے امریکی موبائل ایپ اسٹور سے ٹک ٹوک کو ہٹانے سے متعلق امریکی حکومت کے انتظامی حکم کے نفاذ کو معطل کرنے کا فیصلہ سنایا۔ امریکی محکمہ انصاف کے اس دعوے کے جواب میں کہ “قومی سلامتی کے لیے ، ٹک ٹاک کے ڈاؤن لوڈ پر پابندی عائد ہے” ، ٹک ٹاک کے دفاعی اٹارنی ،جان ہال نے کہا کہ ابھی تک اس بات کا کوئی ثبوت سامنے نہیں آیا ہے کہ ٹک ٹاک سے امریکی قومی سلامتی کو خطرہ لاحق ہے.بلکہ، ہوا یہ ہے کہ ٹک ٹاک امریکی حکومت کی طرف سے “سیاسی دشمنی”کا شکار رہا ہے۔ یہ پابندی ذاتی مواصلت پر غیر مناسب نگرانی کے مترادف ہے ، اس پابندی کا تعلق قومی سلامتی کے تحفظات سے نہیں ، بلکہ آئندہ عام انتخابات سے متعلق سیاسی مقاصد سے ہے۔ چین کی وزارت تجارت کے ترجمان نے ایک بار کہا تھا کہ امریکہ نے “قومی سلامتی” کے بہانے ، چینی موبائل ایپلی کیشنز وی چیٹ اور ٹِک ٹاک کے ساتھ لین دین پر پابندی عائد کردی ہے ، جس سے متعلقہ کمپنیوں کے جائز حقوق اور مفادات کو شدید نقصان پہنچا ہے اور مارکیٹ کے عمومی نظام میں خلل پڑ رہا ہے۔ چین نےاس کی مخالفت کی اور امریکہ پر زور دیا کہ وہ اس غنڈہ گردی کو ترک کرے اور بین الاقوامی قوانین اور نظم و ضبط کو برقرار رکھے۔ اگر امریکہ اسی غلط راہ پر گامزن رہتا ہے تو چین ، چینی کمپنیوں کے جائز حقوق اور مفادات کے تحفظ کے لیے ضروری اقدامات اختیار کرے گا۔
