امریکہ کی جانب سے برآمدات پر پابندی عائد کرنے سے منفی نتائج برآمد ہوں گے: چین کی وزارت تجارت

چین اور امریکہ کے اقتصادی و تجارتی مسلے پر چین کی وزارت تجارت کے ترجمان قاؤ فونگ نے اٹھائیس تاریخ کو ایک سوال کا جواب دیتے ہوئے کہا کہ امریکہ کی جانب سے اس توقع کا اظہار کیا گیا ہے کہ چین کے لیے امریکی برآمداتی مصنوعات میں اضافہ ہوگا اور تجارتی خسارے میں کمی لائی جا سکے گی۔اس حوالے سے  ہائی ٹیکنالوجی کی حامل مصنوعات اور سروس کے شعبہ جات میں وسیع امکانات موجود ہیں۔ لہذا امریکہ کی جانب سے برآمدات پر پابندی عائد کرنے سے منفی نتائج برآمد ہوں گے۔
ترجمان نے مزید کہا کہ طویل عرصے سے چین اور امریکہ ، دونوں ممالک کے کاروباری ادارے متعلقہ قوانین و ضوابط کے تحت تیکنیکی تعاون کررہے ہیں۔جس سے دونوں ممالک کے درمیان تجارت کے فروغ  کو آگے بڑھایا جارہا ہے۔ با مقصد تیکنیکی ترقی کو بھی فروغ دیاجارہا ہےجس سے چین اور امریکہ دونوں مستفید ہو رہے ہیں۔