چین کے ریاستی کونسلر و وزیر خارجہ وانگ ای نے اتوار کے روز کہا کہ روس کے صدر ولادیمیر پوٹن کا آئندہ دورہ چین ، چین۔
روس تعلقات کے اگلے مرحلے کی ترقی کی منصوبہ بندی کے لیے انتہائی اہمیت کا حامل ہے۔جناب وانگ ای نے ان خیالات کا اظہار جوہانسبرگ میں برکس ممالک کے وزراء خارجہ کے رسمی اجلاس کی ضمنی جانب روسی وزیر خارجہ سرگئی لاوروف سے ملاقات کے دوران کیا۔انہوں نے کہا کہ صدر پوٹن آٹھ سے دس جون تک چین کا سرکاری دورہ کریں گے اور شنگھائی تعاون تنظیم کے چھنگ تاو سمٹ میں بھی شریک ہوں گے۔پوٹن کا نئی مدت کے لیے عہدہ صدارت سنبھالنے کے بعد چین کا یہ پہلا دورہ ہو گا جبکہ چینی صدر شی جن پھںگ اور روسی صدر کے درمیان رواں برس پہلی بار ملاقات ہو گی۔جناب وانگ ای نے مزید کہا کہ روسی صدر کے دورہ چین کو کامیاب اور نتیجہ خیز بنانے اور فریقین کے درمیان دو طرفہ تعلقات کی ترقی کو مضبوط تقویت فراہم کرنے کے لیےچین روس کے ساتھ مشاورت کو فروغ دینے کا خواہاں ہے۔اس موقع پر لاوروف نے کہا کہ روس صدر پوٹن کے دورہ چین کو انتہائی اہمیت دیتا ہے۔
