رواں سال چین کی قومی عوامی کانگریس کے پانچ مارچ کو  بیجنگ میں انعقاد کا فیصلہ 

بارہویں قومی عوامی کانگریس کی مجلس قائمہ کا اجلاس منگل کے روز بیجنگ میں منعقد ہوا ۔  اجلاس کے دوران فیصلہ کیا گیا کہ چین کی تیرہویں قومی عوامی کانگریس کا پہلا اجلاس پانچ مارچ کو بیجنگ میں منعقد  کیا جائے گا ۔ مذکورہ اجلاس کے دوران  کانگریس کے ایجنڈے کے بارے میں بھی تجویز پیش کی گئی جس کے مطابق حکومت کی ورکنگ رپورٹ پر نظر ثانی کی جائے گی ۔ دو ہزار سترہ میں قومی معیشت اور سماجی ترقی کی منصوبہ بندی پر عمل درآمد اور دو ہزار اٹھارہ کے لئے   معاشی و معاشرتی  ترقی کے حوالے سے منصوبے کے مسودے پر نظر ثانی کی جائے گی ۔ علاوہ ازیں مرکزی اور علاقائی بجٹ اور  چین کے آئین میں ترمیم سمیت دوسرے شعبہ جات کے بارے میں رپورٹس پر نظر ثانی بھی ایجنڈے میں  شامل ہے ۔