بھارت کے اعداد و شمار سے ظاہر ہوا ہے کہ مالیاتی سال دو ہزارسولہ- سترہ میں چین کے می فون ،ویووہ،اوپو سمیت سمارٹ فونز کے تین برانڈز کی بھارت میں فروخت میں تیزی سے اضافہ ہوا ہےجن کی فروخت کی کل مالیت تقریباً تین ارب چون کروڑ اسی لاکھ امریکی ڈالرز بنی ہے۔
بھارتی میڈیا کی دو تاریخ کی رپورٹ کے مطابق بھارتی منڈی میں داخل ہونے کے تیسرے سال میں اسمارٹ فونز کےان تین چینی
برانڈز کی فروخت میں نمایاں اضافہ ہوا ہے۔پچھلے مالیاتی سال کے مقابلے میں ویووہ کی فروخت میں چھ گنا اضافہ ہوا،جب کہ می فون اور اوپو کی فروخت آٹھ گنا سے بڑھی ہے۔اس کے برعکس بھارت میں سب سے بڑی سمارٹ فون کمپنی مائیکرو میکس کی فروخت میں بیالیس فیصد کی کمی آئی ہے ۔
بین الاقوامی ڈیٹا کمپنی کے اعدادوشمار سے ظاہر ہوا ہے کہ جولائی دو ہزار سترہ سے ستمبر تک بھارت کی منڈی میں می فون کا اشتراک تیئیس اعشاریہ پانچ فیصد تھا جب کہ ویووہ اور اوپو کا اشتراک الترتیب آٹھ اعشاریہ پانچ اور سات اعشاریہ نو فیصد تھا۔
تجزیہ نگاروں کے خیال میں ہائی اینڈ مصنوعات پر توجہ، سستی قیمت ،فروخت کے ذریعوں پر سرمایہ کاری چینی سمارٹ فونز کے اشتراک میں اضافے کی کئی وجوہات ہیں۔
