چین کا چائنا ڈویلپمنٹ بنک بلغاریہ میں دی بیلٹ اینڈ روڈ انیشیٹو اور دیگر تعمیراتی منصوبوں کے لیے اسی ملین یورو فراہم کرے گا ۔اس حوالے سے بلغاریہ کے دارالحکومت صوفیہ میں بارہ تاریخ کو قرض کی فراہمی کے ایک معاہدے پر دستخط کیے گئے۔ بلغاریہ میں چین کے سفیر چنگ ہائی جو اور بلغاریہ کے وزیر خزانہ نے بھی دستخطوں کی تقریب میں شرکت کی۔اس حوالے سے جاری بیان کے مطابق چائنا ڈویلپمنٹ بنک کی جانب سے فراہم کی جانے والی رقم سے دی بیلٹ اینڈ روڈ انیشیٹو سے وابستہ تزویراتی نوعیت کے منصوبہ جات مکمل کیے جائیں گے۔ چین اور بلغاریہ کے مالیاتی اداروں کے درمیان باہمی تعاون کا سلسلہ 2009 سے جاری ہے۔
