امریکی صدر ڈونلڈ ٹرمپ اور ان کی اہلیہ میلانیا ٹرمپ کی جانب سے مقامی وقت کے مطابق چھ تاریخ کو چینی صدر شی جن پھنگ اور ان کی اہلیہ پھنگ لی یوان کے اعزاز میں امریکی ریاست فلوریڈا میں ایک استقبالیہ ضیافت کا اہتمام کیا گیا۔ امریکی صدر اور ان کی اہلیہ نے چینی صدر اور ان کی اہلیہ کے حالیہ دورہ امریکہ کا پر جوش خیر مقدم کیا ۔
ضیافت میں چینی صدر نے کہا کہ ان کی امریکی صدر سے اہم امور پر بات چیت ہوئی ہے اور دونوں راہنماوں کے درمیان چین امریکہ تعلقات کی ترقی پر اتفاق کیا گیا ہے ۔جناب شی نے کہا کہ فریقین نے باہمی احترام اور باہمی مفادات کی بنیاد پر سرمایہ کاری،سفارتی سلامتی ، قانون نافذ کرنے والے نیٹ ورک اور ثقافتی تبادلوں کے حوالے سے حقیقی تعاون کو فروغ دینے پر اتفاق کیا ہے اور حساس معاملات اور اختلافات کو تعمیری انداز سے حل کیا جائے گا۔
امریکی صدر نے کہا کہ ان کا چینی صدر شی جن پھنگ کے ساتھ وسیع پیمانے پر تبادلہ خیال ہوا ہے اور بہترین دوستی قائم ہوئی ہے ۔ٹرمپ نے اس موقع پر چینی صدر کے ساتھ تعاون پر آ مادگی ظاہر کی۔
